Ich bi völlig offe und ohni grossi Vorstellige nach Arosa cho. Ich het nie denkt, dass ich uf so viel liebi Lüüt treffe und so e Koryphäe als Kursleiterin ha =)! Mengisch gits Begegnige oder Ereigniss, bi dene ich merke, dass sie nöd eifach zuefällig passiert sind. Mit em Belte chan ich z.B. endlich bim Singe die Emotione uselah, wo scho so lang i mir agstaut sind. Und in Arosa han ich eifach voll mich selber chöne si und es het sich so guet agfühlt. Und ich has sehr gschätzt, dass ich dich ha dörfe kenne lerne, als Sängerin, Pädagogin, Kollegin, eifach als Mensch, was e grossi Beriicherig für mich isch. Die Wuche in Arosa isch recht emotional und uf- und aregend gsi für mich! Die paar Sätz sind en Versuech gsi zum es bitz usdrucke, was alles i mir los gsi isch ;-). Und was ich dir eigentlich will sägä isch: Danke! Danke für dini so lehrriichi Gsangsstunde, danke für dini positivi und inspirierendi Art, danke für dini Fähigkeit, de Mensch nöd nu mit de Auge zgseh, danke für dini Emotione wo au du eus ghe hesch, danke für dini Offeheit und Bereitschaft eus uf üsne Weg es Stückli zbegleite.